Семейдегі №40 мектептен өрт шыққан
Бүгін таңертең Семей қаласындағы №40 мектепте жертөледегі электр бөлмесінде өрт шықты. Өрт сөндірушілер оқиға орнына бес минуттан кейін, сағат 09:15-те жетті,-деп хабарлайды ТЖД баспасөз қызметіне сілтеме жасап, abaidan.kz тілшісі.
Үш қабатты мектеп ғимаратының жертөлесінде 0,2 шаршы метрді құрайтын трансформатордан өрт шыққан. Өрт сөндірушілердің жедел әрекеті мен кәсібилігінің арқасында өрт оқшауланып, сөндірілген. Өрт сөндірушілер келгенге дейін 371 оқушы, 45 мектеп қызметкері қауіпсіз жерге шығарылған. Оқиғаға байланысты бірінші және екінші ауысымдағы оқушылардың сабақтары тоқтатылып, қашықтан оқу форматына ауысқан. Қазір қалпына келтіру жұмыстары жүріп жатыр.
